Jamahir.NET

حسام البدري:أثبت أن "المدرب المصري" بخير،ربنا يخلصنا من "عقدة الخواجه"

ميشيل:اسمع كلامي"تكسب"،سمعت كلامي ونزلت "شريف أشرف" في ماتش الإنتاج الحربي و جاب لك "جولين"،الماتش اللي جاي عايز أشوف "علاء علي" في التشكيل الأساسي يا "مسيو هنري"،مفهوم؟

شريف أشرف:"تصدق"، أنا خايف تنزل الماتش اللي جاي ماتعملش حاجة،أصلك دايما ب"تتألق" لما تبعد فترة،و بعدين ترجع تاني

ضياء السيد:أهديت 3 نقاط للأهلي،بس "مش قضية"، المهم تتعلم أن "الطمع يقل ما جمع"، أنت في بداية مشوارك التدريبي

أحمد حسن:بجد نموذج للاعب "المحترف"،مسيرة ناجحة بفضل "الإخلاص" و "الإلتزام"،ربنا "يكرمك" يا "صقر"

أبو تريكة:ساعات ما"نحسش" بيك في الملعب، بس ده بيبقي "السكون الذي يسبق العاصفة"،ربنا "يحميك" ل"مصر"

جهابذة التحليل في مصر:الفارق بين ال "سي في" بتاع "هنري ميشيل"، و ال "سي في" بتاع "حسام حسن"-كمدير فني-، كالفارق بين السي في بتاع" أبو تريكة"، وال "سي في" بتاع "أبو جلمبو"

حسام حسن:أقلت من تدريب "المصري"، وأعطاك مجلس "الإتصالات" فرصة ل"تقديم استقالتك" لأنهم "عايزينك تمشي"، كل إمكانياتك ك"مدير فني" هي "إنتشال" فريق من الهبوط، وجعله يبقي بالدوري الممتاز،هل هذه إمكانيات "مدير فني" يقود أحد "قطبي" الكرة المصرية "فنيا"؟

محمد أبو العلا:لو كنت لعبت بفانلة الزمالك ب"نفس الحماس" اللي لعبت بيه مع"الإنتاج الحربي"ضد"الزمالك"،كان زمانك أحسن لاعب في مصر

سيد مسعد:ألف سلامة عليك يا "مسعد"، بس بالذمة مش عيب تبقي ب"الحجم ده كله"، وسواق "يغزك" ب"المطواه"!

محمد فضل:أثبت أنك صفقة "رابحة"،في الوقت الذي يهاجم فيه المديرالفني ل"فريقك" صفقات "بداية الموسم"،عجبي!!!

صبري رحيل:ألف مبروك علي "الخطوبة"،عايزينك ترجع "صبري" بتاع السنة اللي فاتت،بدل ما يبقي مصيرك ال"رحيل"عن نادي الزمالك في يناير،أو في نهاية الموسم

عبد الظاهر السقا:مبروك عودتك للمنتخب،أرجو أن يكون انضمامك للمنتخب "إضافة"،وليس "كمالة عدد"

حسن شحاته:قايمة "عشرة علي عشرة"، بس (فضل ووليد سليمان) أفضل من (متعب وبركات)،لأنهما الأكثر جاهزية،ربنا معاك يابو علي


ريال مدريد:في غياب "رونالدو"،لا كاكا "نافع"،ولا ينزيمه "شافع"،والفريق كله "ضايع"

ميلان:ربنا "نفخ في صورتكم"،ولا"بركات" طريقة "4-3-3"؟،كان فاضل لك"زلطه" يا "ليوناردو" بس "لحقت نفسك" في "الوقت الضايع"

الليجا:"البارسا" لما "يتدلع"،يخلي سرقسطه "يولع"